काठमाडौं। स्पेनिस क्लब एथलेटिको मड्रिड मिडफिल्डर कोनर गालाघर अनुबन्धनजिक पुगेको छ।
एथलेटिकोले इङ्लिस प्रिमियर लिग क्लब चेल्सीका मिडफिल्डरलाई अनुबन्ध गर्न तीन करोड ३० लाख खर्चने भएको छ। यसका लागि तीनै पक्षबीच आपसी सहमती भइसकेको छ।
उनी सन् २००८ मा इप्सम इगल्सबाट चेल्सीको एकेमेडेमीमा भित्रिएका थिए। सन् २०१९ मा सिनियर टोलीमा डेब्यु गरेका उनले क्लबका लागि ७२ प्रिमियर लिग खेलमा आठ गोल गरेका छन्।
गालाघरले चार्लटन एथलेटिक्स, स्वान्सी सिटी, वेस्ट ब्रोमविच र क्रिस्टल प्यालेसबाट लोनमा पनि खेलिसकेका छन्।
