काठमाडौं। दुई पेनाल्टी गोलसँगै प्रिमियर लिग क्लब चेल्सीले प्रि सिजन मैत्रीपूर्ण खेलमा क्लब अमेरिकालाई पराजित गरेको छ।
मर्सिडीज बेन्ज स्टेडियममा बिहीबार बिहान सम्पन्न खेलमा चेल्सीले मेक्सिकन क्लबलाई ३-० गोलअन्तरले पराजित गरेको हो।
तेस्रो मिनेटमै क्रिस्टोफर एनकुन्कुले पेनाल्टीमार्फत गोल गर्दै सुरुआती अग्रता दिलाएका थिए। २१औं मिनेटमा मार्क गुइउले अर्को गोल थपे।
७९औं मिनेटमा नोनी मडुकेले पेनाल्टीमार्फत गोल गर्दा चेल्सी ३-० ले विजयी भयो।
चेल्सीले यसअघि वेल्सको रेक्सह्याम फुटबल क्लबसँग २-२ को बराबरी खेलेको थियो। सेल्टिकसँग भने ४-१ को जित निकाल्न चेल्सी सफल भयो।
चेल्सीले अगस्ट ४ मा म्यान्चेस्टर सिटी र अगस्ट ७ मा रियल मड्रिड र अगस्ट ११ मा इन्टर मिलानसँग मैत्रीपूर्ण खेल खेल्नेछ।
