काठमाडौं। ललित स्मृति एन्फा यु–१८ युथ लिगमा मछिन्द्र फुटबल क्लबको अपराजित यात्रामा पूर्णविराम लागेको छ।
सातदोबाटोस्थित एन्फा कम्प्लेक्स बुधबार भएको खेलमा मछिन्द्र न्युरोड टिम (एनआरटी)सँग ३–० ले पराजित भएको हो। योसँगै छैटौं खेलमा आएर मछिन्द्रको अपराजित यात्रामा पूर्णविराम लागेको छ। ६ खेलमा ११ अंकका साथ चौथो स्थानमा छ। मछिन्द्रले अघिल्ला पाँच खेलमा तीन जित र दुई बराबरीको नतिजा आत्मसात् गरेको थियो।
दोस्रो स्थानमा उक्लिएको एनआरटी समान खेलबाट १३ अंक छ। साथ दोस्रो स्थानमा उक्लिएको छ। रोहन मोक्तान, अंकित थापा र सन्तोष गोन्ग्बाले गोल गरे।
पहिलो हाफको इन्जुरी समयमा रोहन मोक्तानको गोलमार्फत एनआरटीले सुरुआती अग्रता लिएको थियो। ७१औं मिनेटमा अंकित थापाले टोलीको अग्रता दोब्बर बनाए। खेलको इन्जुरी समयमा सन्तोष गोन्ग्बाले गोल गर्दै एनआरटीलाई सहज जित दिलाए।
