काठमाडौं। अल्बानियाली फुटबल महासंघले सन् २०२५ को नेसन्स लिगका लागि छनोट हुने र त्यसको एक वर्षपछि पहिलो पटक विश्वकपमा पुग्ने लक्ष्यका साथ ब्राजिलका मुख्य प्रशिक्षक सिल्भान्होसँग बुधबार सम्झौता नवीकरण गरेको छ।
सन् २०२३ को जनवरीमा ५० वर्षीय सिल्भान्होले टोली सम्हालेका थिए। युरो कपमा पुर्याए पनि इटाली, क्रोएसिया र स्पेन रहेको समूहबाट अल्बानियाले एक अंक मात्र जोडेको थियो।
इटालियन प्रशिक्षक जियानी डी बियासीको नेतृत्वमा युरो कपमा भाग लिएपछि अल्बानियाको यो दोस्रो ठूलो प्रतियोगिता हो। नयाँ सम्झौता डिसेम्बर २०२५ सम्म रहनेछ, जसले अल्बानियालाई नेसन्स लिग र विश्वकपको क्वालिफाइङ चरणमा लैजानेछ।
'युरो छनोको सफलतापछि अबको मुख्य लक्ष्य सन् २०२६ को विश्वकपका लागि ऐतिहासिक छनोट हो,' महासंघले भनेको छ। पोल्याण्ड र चेक रिपब्लिक सम्मिलित युरो कपको कठिन समूहको शीर्ष स्थानमा रहँदै सिल्भिन्होले अल्बानियालाई छनोट गराएका हुन् ।
सिल्भिन्होले ब्राजिल, बार्सिलोना र आर्सनलका लागि खेलेका थिए। २०१० मा म्यानचेस्टर सिटीबाट खेल्दै उनले आफ्नो क्यारियर समाप्त गरे।
सिल्भिन्होले फ्रान्सेली क्लब लियोन र कोरिन्थियन्सलाई प्रशिक्षण दिएका छन् । उनी ब्राजिलमा पूर्वप्रशिक्षक टिटे र इन्टर मिलानमा रोबर्टो मान्सिनीको सहायक पनि थिए।
