काठमाडौं। प्रिमियर लिग विजेता म्यानचेस्टर सिटीले हारबाट प्रि–सिजन सुरुआत गरेको छ।
अमेरिकाको केरान मेमोरियल मैदानमा मंगलबार राति सम्पन्न खेलमा एर्लिङ हाल्यान्डको कप्तानीमा रहेको सिटी सेल्टिकसँग ४–३ गोलअन्तरले पराजित भएको हो।
खेलको पहिलो हाफमै सेल्टिकबाट तीन र सिटीबाट एक गोल भएको थियो। निकोलास गेरिटले १३ र ३६औं र केयोगो फुरुहासीले ४४औं मिनेटमा गोल गरे।
सिटीका ओस्कार बोबले ३३औं मिनेटमा एक गोल गरेका थिए। ४६औं मिनेटमा म्याक्सिमो पेरोनले गोल गरेपछि सिटी ३–२ को स्थितिमा आइपुगेको थियो।
त्यसको ११ मिनेटपछि नै हाल्यान्डले गोल गर्दै खेल ३–३ को बराबरीमा ल्याएका थिए। तर, ६६औं मिनेटमा लुइस पाल्माले गोल गर्दै सेल्टिकलाई ४–३ को जित दिलाए।
सिटीले अब प्रि–सिजनमा इटालियन सिरी 'ए' क्लब एसी मिलानँग जुलाई २८ र क्याटलान क्लब बार्सिलोनाविरुद्ध जलाई ३१ मा खेल्ने छ।
