काठमाडौं। सुरुआती अग्रता जोगाउन नसक्दा चर्च ब्वाइज युनाइटेड एन्फा यु-१८ युथ लिगमा संकटा क्लबसँग अंक बाँडेको छ।
सातदोबाटोस्थित एन्फा कम्प्लेक्समा सोमबार सम्पन्न खेलमा दुवै टोलीले १-१ को बराबरी खेलेको हो। योसँगै चर्च ब्वाइजले तीन खेलमा चार अंक जोडेको छ। संकटाको समान खेलबाट एक अंक छ।
खेलको तेस्रो मिनेटमै अनिश श्रेष्ठले चर्च ब्वाइजले सुरुआती अग्रता दिलाएका थिए। तर, ७४औं मिनेटमा दिवस राईले गोल गर्दै संकटालाई हारबाट जोगाए।
