काठमाडौं। न्यूक्यासल युनाइटेडले सर्बियाली क्लब जेदिन्स्तोभो उबका १९ वर्षीय डिफेन्डर मियोड्राग पिवासलाई अनुबन्ध गरेको छ ।
सर्बियाका युवा डिफेन्डले बक्स-टू-बक्स मिडफिल्डरको रूपमा पनि खेल्ने क्षमता राख्छन्। उनले आफ्नो युवा क्यारियरको अधिकांश समय अस्ट्रियामा बिताएका थिए। सिजेनहाइम र ग्रोडिगको लागि खेल्दै उनी गत वर्ष जेदिन्स्तोभो पुगेका थिए।
न्यूक्यासलका प्रमुख कार्यकारी अधिकृत डारेन एल्सले भने, 'मियोड्राग उच्च क्षमता भएका एक होनहार प्रतिभा हुन् ।' मियोड्रागले अगस्ट १७ मा साउथह्याम्पटनविरुद्ध खेल्दै प्रिमियर लिगमा डेब्यु गर्नेछन्।
