काठमाडौं। चोटका कारण करियरमा पहिलो पटक पूर्णकालिन समय नपुग्दै कोपा अमेरिकाको फाइनलबाट बाहिरिएका लियोनल मेसीले आफ्नो आँसु थाम्न सकेनन् र आफ्नो अन्तिम उपाधिमध्ये एक जिते पनि फिटनेस टेस्ट पास गर्न सकेनन्।
मेसीले कोलम्बियाविरुद्धको फाइनल खेल ६४ औं मिनेटमा खुट्टाको चोटका कारण मैदानबाट बाहिरिन परेको थियो। अर्जेन्टिनाले लगातार दोस्रो पटक कोपा अमेरिकाको उपाधि जितेको थियो।
मेसी फिटनेस परीक्षणमा अनुत्तीर्ण भएपछि सन् २०२६ को विश्वकपमा सहभागिता पनि अनिश्चित बनेको छ। ३७ वर्षीय मेसीले चोटका कारण गत वर्ष इन्टर मियामी र अर्जेन्टिनाका धेरै खेल गुमाएका थिए।
उनले कोपा अमेरिकामा पनि समूहचरणका केही खेल गुमाएका थिए। उनले क्वार्टरफाइनलमा इक्वेडरविरुद्ध पेनाल्टी मिस गरेका थिए। उनले सेमिफाइनलमा क्यानडाविरुद्ध एक मात्र गोल गरेका थिए।
अर्जेन्टिनाका लागि एन्जेल डि मारिया (३६) र निकोलस ओटामेन्डी (३६) तथा सब्स्टिच्युट गोलकिपर फ्रान्को अरमानी (३७) का लागि यो अन्तिम प्रतियोगिता थियो। अब अर्जेन्टिनाले सेप्टेम्बरमा चिली र कोलम्बियासँग विश्वकप छनोटका खेल खेल्नुपर्ने छ।
