काठमाडौं। म्यानचेस्टर युनाइटेडले फ्रान्सेली डिफेन्डर लेनी योरोलाई अनुबन्ध गरेको छ।
युनाइटेडले सन् २०२९ को जुनसम्मका लागि १८ वर्षीय खेलाडीलाई अनुबन्ध गरेको जनाएको छ । बेलायती सञ्चारमाध्यमका अनुसार युनाइटेडले उनलाई भित्र्याउन लिललाई ६ करोड २० लाख युरो (५ करोड २२ लाख पाउण्ड) दिएको छ।
योरोले भनेका छन्, 'कद र महत्वाकांक्षा भएको क्लबमा अनुबन्धित हुनु मेरो करियरको अविश्वसनीय सम्मान हो ।' योरोले मे २०२२ मा लिलका लागि आफ्नो व्यावसायिक डेब्यू गरेका थिए। उनले ४६ लिग वानका खेल खेलेका छन्।
