पोखरा । अमेरिकामा फुटबल प्रशिक्षकको करियर अघि बढाईरहेका नेपाली प्रशिक्षक प्रदिप हुमागाईले पोखराको सहारा फुटबल एकेडमीका खेलाडीहरुलाई प्रशिक्षण दिएका छन् ।
छुट्टिमा नेपाल आएका प्रशिक्षक हुमागाईले सहारा एकेडमीका खेलाडीहरुलाई प्रशिक्षण गराएका हुन् । प्रशिक्षक हुमागाईले एकेडमीमा रहेका २८ बालकहरुलाई फुटबलको प्राविधिक पक्षको ज्ञान सिकाएका थिए ।
अमेरिकाको पेन्सिलभेनिया राज्यको वेष्टहाम यूनाइटेड एकेडेमीका प्रशिक्षक रहेका हुमागाईले यसअघि पनि सहारा एकेडमीका खेलाडीलाई प्रशिक्षण दिएका थिए ।
थ्री स्टारका पुर्व प्रशिक्षक समेत रहेका हुमागाईले एकेडमीका खेलाडीहरुको खेल क्षमता बढेको बताए । तर, उनले नेपाली खेलाडीहरुको प्रदर्शन खस्किएको बताए ।
