काठमाडौं। अल्जेरियाका मिडफिल्डर होउसेम अओरले अल इत्तिहादमा भित्रिएका छन्। २६ वर्षीय अओर एएस रोमाबाट साउदी सरेका हुन्।
उनले चार वर्षका लागि सम्झौता गरेका छन्। ओलिम्पिक लियोनिसका पूर्वखेलाडीले अल इत्तिहाद मिडफिल्डमा एन'गोलो कान्टे र फाबिन्होसँग खेल्नेछन्। यो टोलीका करिम बेन्जेमा पनि छन्।
सन् २०२० मा फ्रान्सबाट उनले युक्रेनविरुद्ध मैत्रीपूर्ण खेल खेलेका थिए। २०२३ देखि भने उनी अल्जेरियाबाट खेल्दै आएका छन्।
