काठमाडौं। मिडफिल्डर टोबी कोलेयरले म्यानचेस्टर युनाइटेडसँग नयाँ सम्झौता गरेका छन्। २० वर्षीय कोलेयरले तीन वर्षको नयाँ सम्झौता गरेका हुन्।
यो सम्झौतासँगै कोलेयर सन् २०२७ सम्म ओल्ड ट्राफोर्डमा रहनेछन्। उनलाई थप एक वर्ष सम्झौता थप्ने विकल्प दिइएको छ।
'नयाँ सम्झौता क्लबमा सामेल भएदेखि उनले गरेको प्रयासको लागि इनाम हो,' युनाइटेडको विज्ञप्तिमा भनेको छ।
कोलियर सन् २०२२ मा ब्राइटनबाट युनाइटेडमा आबद्ध भएका थिए। उनले गत सिजन प्रिमियर लिगमा सात खेल खेलेका थिए।
