एजेन्सी । इंग्लिश क्लब म्यानचेस्टर युनाइटेडका कप्तान एन्टोनीयो भ्यालेन्सियाले क्लब छाड्ने भएका छन् ।
पोर्चुगिज फरवार्ड क्रिस्टियानो रोनाल्डोले क्लब छाडेपछि युनाइटेड आएका भ्यालेन्सियाले सिजनको अन्त्यसंगै क्लब छाड्ने भएका हुन ।
इंग्लिश मिडिया मिररको अनुसार भ्यालेन्सियाको अनुबन्ध सम्झौता आगामी समरमा सकिने र भ्यालेन्सियाले क्लब छाड्ने मनस्थिति बनाएको जनाएको छ ।
डिफेन्स र विंगरमा खेल्न सक्ने इक्वेडरका भ्यालेन्सिया इटालियन क्लब इन्टर मिलान जान सक्ने बताईएको छ ।
युनाइटेडमा १० बर्ष बिताएका भ्यालेन्सिया सन् २००९ मा विगानबाट ओल्ड ट्राफोर्ड आएका थिए । ३३ बर्षे भ्यालेन्सियाले २४० खेलमा १७ गोल गरेका छन् ।
