काठमाडौं । ललितपुरले क्लब रुस्लान थ्री स्टार क्लब धनगढीमा जारी नेपाल आइस सुदूरपश्चिम खप्तड गोल्डकप फुटबलको सेमिफाइनलमा प्रवेश गरेको छ ।
सोमबार भएको खेलमा ललितपुर डर्बीमा च्यासल युथ क्लबलाई १ - ० गोल अन्तरले पराजित गर्दै थ्री स्टार अन्तिम चारमा पुगेको हो ।
धनगढी रंगशालामा थ्री स्टारलाई जित दिलाउन रुपेश केसीले निर्णायक गोल गरे । पहिलो हाफ गोलरहित बराबरीमा सकिएको खेलको दोस्रो हाफमा रुपेशले निर्णायक गोल गरे । रुपेशले खेलको ८९ औं मिनेटमा सुनिल बलको पासमा हेड गोल गरेका थिए ।
अब थ्री स्टारले फाइनल प्रवेशका लागि मेचि नेत्रालय फुटबल ट्रेनिङ सेन्टरसँग प्रतिस्पर्धा गर्नेछ । नेत्रालय एपीएफ क्लबलाई २ - १ गोल अन्तरले पराजित गर्दै सेमिफाइनलमा प्रवेश गरिसकेको छ ।
