काठमाडौं । थाइल्याण्डमा जारी थाइल्याण्ड महिला टी -ट्वान्टी स्म्यास क्रिकेटको तेस्रो खेलमा नेपालले अहिले युएईको सामना गर्दैछ ।
बैंककमा युएईविरुद्ध नेपालले सुरुवातमा फिल्डिङ गर्ने भएको छ । युएईले टस जितेर पहिले ब्याटिङ रोजेपछि नेपालले बलिङ पाएको हो ।
अघिल्ला दुई खेल जितेको नेपालले समूह चरणमा ४ अंक जोडेको छ । नेपाल युएईविरुद्ध जित निकाल्दै सेमिफाइनलमा स्थान पक्का गर्न चाहन्छ ।
युएई पनि नेपाललाई हराएर सेमिफाइनलमा पुग्न चाहन्छ । अघिल्ला दुई खेल जितेको युएईको पनि ४ अंक रहेको छ ।
पहिलो खेलमा नेपालले चीनलाई १० विकेटले हराएको थियो । यस्तै आइतबार भएको दोस्रो खेलमा मलेसियालाई ६ विकेटले पराजित गरेको थियो ।
जितसंगै समूह 'ए' मा रहेको नेपालले युएईपछि समूह चरणको अन्तिम खेलमा बुधबार थाइल्याण्डसंग खेल्नेछ ।
-1736609631.jpeg)
-1736605265.jpeg)
