काठमाडौं। रियल मड्रिडका पूर्वकप्तान नाचो फर्नान्डेज साउदी अरेबियाको टोली अल काद्सियाहमा अनुबन्धित भएका छन्।
स्पेनले अन्तिम १६ को खेल सुरु गर्नुभन्दा तीन दिनअघि बिहीबार उनले अल काद्सियाहसँग दुई वर्षको सम्झौता गरेका हुन्।
सन् २००१ मा क्लबको युवा एकेडेमीमा सामेल भएपछि नाचो दुई दशकभन्दा बढी रियलमा थिए। रियलले मंगलबार ३४ वर्षीय नाचोले क्लब छाड्न लागेको घोषणा गरेको थियो ।
रियलले गत महिना बोरुसिया डर्टमन्डलाई हराउँदै १५ औं पटक च्याम्पियन्स लिगको उपाधि जितेको थियो। छैटौं च्याम्पियन्स लिगको ट्रफी उचालेको एक महिना नबित्दै नाचो रियलबाट बाहिरिएका हुन्।
-1731292263.jpg)
-1732590134.webp)
