एजेन्सी । इंग्लिश प्रिमियर लिग फुटबलमा आर्सनल पराजित भएको छ । शनिबार भएको खेलमा आर्सनल वेष्ट ह्यामसंग १ - ० गोल अन्तरले पराजित भएको हो ।
घरेलु मैदानमा वेष्ट ह्यामलाई जित दिलाउन डीक्लेन राइसले निर्णायक गोल गरे । पहिलो हाफ गोलरहित बराबरीमा सकिएको खेलको दोस्रो हाफमा गोल गर्दै वेष्ट ह्यामले जित निकालेको हो ।
वेष्ट ह्याममा डेब्यु गरेका समीर नासिरीले उपलब्ध गराएको पासमा ४८ औं मिनेटमा राइसले गोल गर्दै वेष्ट ह्यामलाई जित दिलाए ।
आर्सनललाई हराएसंगै वेष्ट ह्याम लिगको आठौं स्थानमा उक्लिएको छ । वेष्ट ह्यामले २२ खेलबाट ३१ अंक जोडेको छ ।
हारसंगै आर्सनल भने चेल्सीसंग अंक बराबरी गर्न असफल भएको छ । आर्सनलले २२ खेलबाट ४१ अंक जोडेको छ ।
