काठमाडौं । बंगलादेश प्रिमियर लिग (बीपीएल) क्रिकेट अन्तर्गत ढाका डाइनामाइट्सले नेपाली राष्ट्रिय टोलीका लेग स्पिनर सन्दीप लामिछाने रहेको सिलेट सिक्सर्सलाई जितका लागि १७४ रनको लक्ष्य दिएको छ ।
ढाकामा टस जितेर पहिले ब्याटिङ गरेको डाइनामाइट्सले पुरै २० ओभर खेल्दै ७ विकेट गुमाएर १७३ रन बनाउन सक्यो ।
डाइनामाइट्सका लागि रोनी तालुकदारले ५८ रन जोडे । यस्तै सुनील नारिने र मोहमद निमले समान २५/२५ रन जोडे ।
सिक्सर्सका तास्किन अहमेदले ३ विकेट लिए । नेपालका सन्दीप भने महँगो साबित हुँदै विकेट लिन असफल भए । सन्दीपले ४ ओभर बलिङ गर्दै बिना विकेट ३३ रन खर्चिए ।
ढाकाविरुद्ध मैदान उत्रदा सन्दीपको टिम सिक्सर्स लगातार दोस्रो जितको खोजीमा हुनेछ। पहिलो खेलमा कोमीला भिक्टोरियन्ससंग पराजित सन्दीपको टिम सिक्सर्सले दोस्रो खेलमा चितागोङ भीकिङसलाई हराएको थियो ।
सन्दीपको टिम सिक्सर्स २ अंक जोडेर पाँचौ स्थानमा छ । ढाका ६ अंक जोडेर शीर्ष स्थानमा छ ।
-1736609631.jpeg)
-1736605265.jpeg)
