काठमाडौं । पहिलो संस्करणको गोकर्णेश्वर मेयर कप सेभेन 'ए' साइट फुटबलको उपाधि गोकर्णेश्वर नगरपालिका वडा नम्बर ५ ले जितेको छ ।
नेपालय इंग्लिश पब्लिक स्कुलको मैदानमा शनिबार भएको फाइनलमा गोकर्णेश्वर नगरपालिका वडा नम्बर ८ 'बी' लाई ३ - १ ले हराएर वडा नम्बर ५ ले उपाधि जितेको हो ।
उपाधिसंगै वडा नम्बर ५ ले नगद १ लाख प्राप्त गरेको छ । उपविजेता बनेको वडा नम्बर ८ 'बी' ले ५० हजारमा चित्त बुझायो ।
जोरपाटी फुटबल क्लबको आयोजना भएको प्रतियोगिमा उत्कृष्ट खेलाडी किरण लामा, सर्वाधिक गोलकर्ता दिनेश राई, उत्कृष्ट गोल रक्षक कृष्ण चौधरी र उत्कृष्ट प्रशिक्षक श्री बहादुर योगी चुनिए । प्रतियोगितामा फेयर प्ले टिम टिम गोकर्णेश्वर ३ 'बी' बनेको छ ।
महिला रेफ्रीहरुले मात्र संचालन गरेको प्रतियोगिताका सबै उत्कृष्ट खेलाडीले समान ५/५ हजार प्राप्त गरे ।
तस्विर : सरोज बस्नेत
