एजेन्सी । इंग्लिश प्रिमियर लिग फुटबलमा आज (शनिबार) विभिन्न ७ खेलहरु संचालन हुँदैछ । शनिबार शीर्ष स्थानको लिभरपुल, चेल्सी, आर्सनल, लेष्टर सिटी लगायतका क्लबले प्रतिस्पर्धा गर्नेछ ।
प्रिमियर लिगको लिग लिडर लिभरपुलले आज ब्राइटन एण्ड होभ आल्बियनसंग उसैको मैदानमा खेल्दैछ । ब्राइटनको मैदानमा हुने खेल नेपाली समय अनुसार ८:४५ मा सुरु हुनेछ ।
ब्राइटनविरुद्ध मैदान उत्रदा लिभरपुल शीर्ष स्थानको अग्रता फराकिलो बनाउने लक्ष्यमा हुनेछ । यता, ब्राइटन घरेलु मैदानमा लिभरपुललाई स्तब्ध बनाउने योजनामा हुनेछ ।
तुलनात्मक कमजोर टिम ब्राइटनविरुद्ध जित निकाले लिभरपुलले दोस्रो स्थानको म्यानचेस्टर सिटीविरुद्ध ७ अंकको अग्रता बनाउनेछ । लिभरपुलको लिगमा ५४ अंक रहेको छ । सिटीको ५० अंक छ ।
यस्तै चेल्सीले घरेलु मैदानमा न्युकासलको सामना गर्नेछ । चेल्सी र न्युकासलबीचको खेल राति ११:१५ मा सुरु हुनेछ । न्युकासलविरुद्ध मैदान उत्रदा चेल्सी जित निकाल्दै शीर्ष तीन क्लबविरुद्ध अंक दुरी कम गर्ने योजनामा हुनेछ । चौथो स्थानको चेल्सीको ४४ अंक छ ।
प्रिमियर लिग अन्तर्गत नै आर्सनलले वेष्ट ह्यामसंग उसैको मैदानमा खेल्नेछ । दुई क्लबबिचको खेल बेलुका ६:१५ मा सुरु हुनेछ । ४१ अंक जोडेको आर्सनल लिगको पाँचौ स्थानमा छन् ।
त्यस्तै लेष्टर सिटीले साउथह्याम्पटनसंग खेल्नेछ । अन्य खेलमा बर्नलीले फुलहम, कार्डिफले हडर्सफिल्ड र क्रिष्टल प्यालेसले साउथह्याम्पटनसंग खेल्नेछ ।
