काठमाडौं। रियल मड्रिडले १५औं पटक च्याम्पियन्स लिगको उपाधि उचालेको छ। वेम्बली स्टेडियममा शनिबार राति सम्पन्न फाइनलमा बोरुसिया डर्टमुन्डलाई २–० गोल अन्तरले पराजित गर्दै रियलले उपाधि जितेको हो।
रियलको जितमा डानी कार्भाजल र भिनिसियस जुनियरले गोल गरे। खेलको ७४औं मिनेटमा कार्भाजलले गोल गर्दै रियललाई सुरुआती अग्रता दिलाए। टोनी क्रुसको कर्नरमा कार्भाजलले हेडरमार्फत गोल गरेका थिए।
त्यसको ९ मिनेटपछि भिनिसियसले गोल गर्दै रियललाई २–० को जित दिलाए।
प्रशिक्षक कार्लो एन्सेलोट्टीको यो कीर्तिमानी पाँचौं च्याम्पियन्स लिग उपाधि हो। यता कार्भाजल, लुका मोड्रिच, टोनी क्रुस र नाचोले छैटौं पटक युरोपियन कपको उपाधि जित्दै रियलका पाको जेन्टोले बनाएको बेन्चमार्क बराबरी गरेका छन्।
-1732631466.jpeg)
