काठमाडौँ। स्पोर्ट्स एकेडेमी साँगाले शहीद स्मारक ‘सी’ लिगमा सानेपा क्लबलाई पराजित गरेको छ।
सातदोबाटोस्थित एन्फा कम्प्लेक्स सोमबार सम्पन्न दिनको दोस्रो खेलमा सानेपालाई साँगाले २-१ गोल अन्तरले पराजित गरेको हो।
जितसँगै १० खेल खेलेको साँगा १५ अंक जोड्दै पाँचौँ स्थानमा उक्लिएको छ। पराजित सानेपा समान खेलबाट ११ अंक जोड्दै नवौँ स्थानमा यथावत् रहेको छ।
साँगाको जितमा गमबहादुर मगर र विकाश परियारले गोल गरे। सानेपाका निराजनजंग शाहीले गरेको गोल सान्त्वना बन्यो। खेलको १७औँ मिनेटमा गमको गोलमार्फत साँगाले शुरूआती अग्रता लिएको थियो।
पहिलो हाफको निर्धारित समय सकिन एक मिनेट बाँकी रहँदा विकासले गोल गर्दै साँगाको अग्रता दोब्बर बनाए। इन्जुरी समयमा निराजनले सानेपाका लागि गोल गरेका थिए।
-1732631466.jpeg)
