काठमाडौँ। जोनी कार्डोसोको गोललाई भिडियो असिस्टेन रेफ्री (भीएआर)ले मान्यता नदिँदा रियल मड्रिड स्पेनिस ला लिगामा हारबाट जोगिएको छ।
घरेलु मैदानमा शनिबार सम्पन्न लिगको अन्तिम खेलमा रियल बेटिससँग रियल गोलरहित बराबरीमा रोकिएको हो।
खेलको ३९औँ मिनेटमा जोनीले गोल गरेका थिए। तर, भीएआरले उक्त गोललाई मान्यता दिएनन्।
बराबरीसँगै उपाधि जितिसकेको रियलले ९५ अंकसहित लिग सक्काएको छ। ५७ अंक जोडेको बेटिस भने सातौँ स्थानमा रह्यो। बेटिसले युरोपा कन्फ्रेन्स लिगमा स्थान बनाएको छ।
-1732631466.jpeg)
