काठमाडौं । प्रशिक्षक जाभीले बार्सिलोना छाड्ने भएका छन् ।
क्लबले यसको पुष्टि गर्दै जाभीले सिजनको अन्त्यसँगै बार्सिलोना छाड्ने बताएको हो ।
बार्सिलोनाको प्रशिक्षकको रुपमा जाभीले आईतबार सेभिल्लासँग अन्तिम खेल हेर्नेछन् । उनी अर्को सिजन क्लबको प्रशिक्षक रहने छैनन् ।
जाभीले अप्रिलमा सन् २०२५ को जुनसम्म क्लबमा रहने निर्णय गरेका थिए । त्यसअघि उनले जनवरीमा समरको अन्त्यसँगै क्लब छाड्ने घोषणा गरेका थिए ।
गत महिना जाभीले निर्णयमा फेरबदल गर्दै नयाँ सम्झौता गरेका थिए । तर पुन अवस्थामा फेरबदल भएको छ । क्लबले यस सिजनको अन्त्यसँगै जाभी क्लबमा नरहने प्रस्ट गरेको हो ।
बार्सिलोनाले दोस्रो स्थानमा रहेर ला लिगा सिजनको अन्त्य गर्ने भएको छ । रियल मड्रिड यस सिजन ला लिगाको च्याम्पियन रह्यो ।
-1732631466.jpeg)
