काठमाडौँ। नेपाल वादोरियो कराते डो संघको टोली वादोरियो करातेको तेस्रो ग्रान्ड मास्टर हिरोनोरी ओत्सुकाबाट हुने विशेष सेमिनारमा सहभागी हुन नर्वे प्रस्थान गर्ने भएको छ।
वादोरियो कराते डो संघका संस्थापक प्रमुख प्रशिक्षक एवं कराते महासंघका वरिष्ठ उपाध्यक्ष हरिशरण केसी नेतृत्वको ४ सदस्यीय टोली मे २५ र २६ तारिखमा हुने विशेष सेमिनारमा सहभागिता जनाउन शुक्रबार नर्वे प्रस्थान गर्ने भएको हो।
अध्यक्ष केसीसँगै प्रशिक्षक सिमोन खत्री, टिम मेनेजर सुमन तिम्सिना र प्रशिक्षक विनोद तामाङसहितको ४ सदस्यीय टोलीलाई बिहीबार राखेपका उपाध्यक्ष शिव कोइराले एक कार्यक्रमकाबीच बिदाइ गरे।
उक्त प्रशिक्षण कार्यक्रम पश्चात् प्रशिक्षक विनोद तामाङ नेदरल्यान्डमा हुने १४ औँ रोटरड्याम कप इन्टरनेशनल टुर्नामेन्टमा सहभागी हुने अध्यक्ष केसीले जानकारी दिए।
-1732631466.jpeg)
