काठमाडौं । सिएमजी संकटा क्लब धनगढीमा जारी तेस्रो संस्करणको नेपाल आइस सुदूरपश्चिम खप्तड गोल्डकप फुटबल प्रतियोगिताको क्वाटरफाइनलमा प्रवेश गरेको छ ।
शुक्रबार भएको खेलमा गोर्खा व्वाइज रुपन्देहीलाई २ - ० गोल अन्तरले पराजित गर्दै संकटा क्वाटरफाइनलमा पुगेको हो ।
धनगढी रंगशालामा संकटालाई जित दिलाउन रबी सिलवाल र एलोन म्याक्सवेलले एक एक गोल गरे ।
पहिलो हाफको इन्जुरी समयमा रबीले गोल गर्दै संकटालाई सुरुवाती अग्रता दिलाएका थिए । त्यसपछि खेलको ८६ औं मिनेटमा म्याक्सवेलले गोल गर्दै संकटाको जित निश्चित गरे ।
अब संकटाले सेमिफाइनलमा प्रवेशका लागि क्यामरुनको दाफिनस टिम फेमिलीसंग प्रतिस्पर्धा गर्नेछ ।
मोफसलकै सर्वाधिक धनराशीको प्रतियोगिताको विजेताले २१ लाख र उपविजेताले १० लाख रुपैयाँ हात पार्नेछन् ।
उत्कृष्ट खेलाडीले यामाहाको १ सय ५० सीसी मोटरसाईकल प्राप्त गर्दा विधागत उत्कृष्ट विजेताले जनही १५\१५ हजार रुपैयाँ पाउने छन् ।
-1735037168.JPG)
