काठमाडौँ। इङ्लिस प्रिमियर लिगमा आइतबार सिजनका अन्तिम खेलहरू हुँदै छन्। नेपाली समयअनुसार सबै खेलहरू राति ८:४५ बजेदेखि शुरू हुने छ। यही खेलमार्फत विजेता टोलीको टुंगो पनि लाग्नेछ।
यस सिजन उपाधि होडमा म्यानचेस्टर सिटी र आर्सनल रहेका छन्। अन्तिम खेलमा म्यानचेस्टर सिटीले वेस्टह्याम युनाइटेडसँग खेल्ने छ। सिटीको घरेलु मैदानमा हुने यो खेल सिटीले जिते लगातार चौथो उपाधि जित्ने छ। जितबाहेकको अन्य नतिजा आएमा सिटी आर्सनलको खेलको नतिजामा भर पर्नुपर्ने छ।
त्यस्तै, आर्सनलले अन्तिम खेलमा एभर्टनसँग आफ्नै घरेलु मैदानमा खेल्दै छ। आर्सनलले यो खेल जितेर मात्र पर्याप्त हुने छैन। आर्सनलले यो खेल जितेर सिटी कम्तीमा बराबरीमा रोकिए उपाधि जित्ने छ।
प्रिमियर लिगबाट अर्को सिजन च्याम्पियन्स लिगमा पुग्ने ४ टोलीको भने टुंगो लागिसकेको छ। प्रिमियर लिगबाट सिटी र आर्सनलसँगै लिभरपुल र एस्टन भिल्ला च्याम्पियन्स लिगका लागि छनोट भइसकेका छन्। त्यस्तै, शनिबार नै टोटनह्याम पराजित भएमा र चेल्सीले आफ्नो खेल जिते युरोपा लिगका लागि छनोट हुने छ।
-1732671005.webp)
