काठमाडौँ। इटालिय सिरी ‘ए’ मा एसी मिलान पराजित भएको छ।
स्टेडियो ओलिम्पिको ग्रान्डे टोरिनोमा शनिबार राति सम्पन्न खेलमा घरेलु टोली टोरिनोसँग मिलान ३-१ गोल अन्तरले पराजित भएको हो।
जितसँगै ३७ खेलबाट ५३ अंक जोडेको टोरिनो नवौँ स्थानमा उक्लिएको छ। पराजित मिलान भने समान खेलबाट ७४ अंकसहित दोस्रो स्थानमा छ।
टोरिनोको जितमा डुवान जापाटा, इभान इलिक र रिकार्डो रोड्रिगेजले १/१ गोल गरे। मिलानको लागि इस्माइल बेनेसरले गरेको गोल सान्त्वना बन्यो।
खेलको २६औँ मिनेटमा डुवानको गोलबाट टोरिनोले शुरूआती अग्रता बनाएको थियो। ४०औँ मिनेटमा इभानले गोल गरेपछि टोरिनोले पहिलो हाफमै २-० को अग्रता बनाएको थियो।
४६औँ मिनेटमा रिकार्डोले गोल गर्दै ३-० को अग्रता दिलाए। ५५औँ मिनेटमा पाहुना टोली मिलानको लागि इस्माइलले गोल गरेपछि खेल ३-१ को अवस्थामा पुगेको थियो।
-1732671005.webp)
