काठमाडौँ। १० खेलाडीमा सिमित बोचुमलाई पराजित गर्दै बायर लेभरकुजनले जर्मन बुन्डेसालिगामा सहज जित हासिल गरेको छ।
आइतबार सम्पन्न खेलमा लेभरकुजन ५-० गोल अन्तरले विजयी भएको हो। जितसँगै उपाधि उचालिसकेको लेभरकुजनको ३३ खेलबाट ८७ अंक पुगेको छ। पराजित बोचुम ३३ अंकसहित १४औँ स्थानमा रह्यो।
खेलको ४१औँ मिनेटमा प्याट्रिक शिकले गोल गर्दै लेभरकुजनलाई शुरूआती अग्रता दिलाएका थिए। पहिलो हाफको इन्ज्युरी समयको दोस्रो मिनेटमा भिक्टोर बोनिफेसले अग्रता दोब्बर बनाए। बुन्डेसलिगामा उनको यो १३औँ गोल हो।
७६औँ मिनेटमा अमिन अदीले गोल गरे। ८६औँ मिनेटमा जोसिप स्टानिसिकले अग्रता ४-० मा पुर्याए। दोस्रो हाफको इन्ज्युरी समयको तेस्रो मिनेटमा एलेक्स ग्रिमाल्डोले गोल गर्दै लेभरकुजनलाई ५-० को सहज जित दिलाए।
-1732671005.webp)
