काठमाडौँ। आर्सनलले इङ्लिस प्रिमियर लिगको अंक तालिकाको शीर्ष स्थानमा पुनरागमन गरेको छ।
ओल्ड ट्राफोर्डमा आइतबार राति सम्पन्न खेलमा म्यानचेस्टर युनाइटेडलाई १-० गोल अन्तरले पराजित गर्दै पाहुना टोली आर्सनल शीर्ष स्थानमा उक्लिएको हो।
आर्सनलको जितमा लिआन्ड्रो ट्रोसार्डले २०औँ मिनेटमा गरेको गोल नै निर्णायक रह्यो। उनले काई हावर्ट्जको पासमा गोल गरे।
जितसँगै लिग लिडर आर्सनलले दोस्रो स्थानको म्यानचेस्टर सिटीसँगको अंक दूरी १ मा लम्बाएको छ। आर्सनलको ३७ खेलबाट ८६ अंक रहेको छ।
एक खेल कम खेलेको सिटीको ८५ अंक रहेको छ। पराजित युनाइटेड ३६ खेलबाट ५४ अंक जोड्दै आठौँ स्थानमा छ।
-1732671005.webp)
