काठमाडौँ। सन् २०२४ को समर ट्रान्सफर विन्डो अझै दुई महिना बाँकी छ।
तर, स्पेनिस क्लब रियल मड्रिडले २०२५ को सिजनमा बलियो उपस्थिति जनाउन अहिलेदेखि नै केही खेलाडी भित्र्याउने गृहकार्य गरिरहेको छ।
यही लिस्टमा थपिएका छन्, फ्लोरियन विर्ट्ज। बायर लेभरकुजनमा विर्ट्जले सनसनीपूर्ण खेल प्रदर्शन गरेका छन्। उनले बुन्डेसलिगा च्याम्पियनका लागि १८ गोल गरेका छन् र १९ असिस्ट गरेका छन्। युरोपका उत्कृष्ट खेलाडीको सूचीमा उनले आफ्नो नाम दर्ता गराएका छन्।
रियलले किलियन एमबाप्पे, अल्फोन्सो डेभिस र लेनी योरोलाई भित्र्याउने तयारी गरेको बताइन्छ। तर, २०२५ को सिजनका लागि विर्ट्जलाई भित्र्याउन रियलले शीर्ष प्राथमिकतामा राखेको मार्काले जनाएको छ।
