काठमाडौँ। ब्राहिम डियाजको दुई गोलसँगै स्पेनिस ला लिगा जितिसकेको रियल मड्रिडले शानदार जित हासिल गरेको छ।
न्यू लस कार्मेनेस स्टेडियममा शनिबार सम्पन्न खेलमा रियलले रेलिगेशन भइसकेको ग्रानाडालाई ४-० गोल अन्तरले पराजित गरेको हो।
जितसँगै रियलले ३५ खेलबाट ९० अंक जोडेको छ। पराजित ग्रानाडा समान खेलबाट २१ अंक जोड्दै १९औँ स्थानमा छ।खेलको ३८औँ मिनेटमा फ्रान गार्सियाले गोल गर्दै रियललाई शुरूआती अग्रता दिलाएका थिए।
पहिलो हाफको इन्ज्युरी समयको दोस्रो मिनेटमा अर्दा गुलरले गोल गर्दै अग्रता दोब्बर बनाए। उनले गार्सियाको पासमा गोल गरे।
४९औँ मिनेटमा डियाजले अग्रता ३-० मा पुर्याए। उनले ड्यानी सेबालोसको पासमा गोल गरे। ५८औँ मिनेटमा लुका मोड्रिचले मिलाइदिएको पासमा डियाजले व्यक्तिगत दोस्रो गोल गर्दै रियललाई ४-० को सहज जित दिलाए।
-1732671005.webp)
