काठमाडौँ। रेलिगेशनमा परिसकेको बर्नेलीमाथि कठिन जित हासिल गर्दै टोटनह्यामले च्याम्पियन्स लिगको दौडमा पुनरागमन गरेको छ।
इङ्लिस प्रिमियर लिगका उत्कृष्ट चार टोलीले अर्को सिजनको च्याम्पियन्स लिगमा सहभागिता जनाउन पाउने छन्।टोटेनह्याम हटस्पर स्टेडियममा शनिबार सम्पन्न खेलमा बर्नेलीलाई २-१ गोल अन्तरले हराउँदै घरेलु टोलीले उक्त लिगको आशा जीवितै राखेको हो।
प्रिमियर लिगमा २ खेल खेल्न बाँकी रहेको टोटनह्याम ३६ खेलबाट ६३ अंकसहित पाँचौँ स्थानमा छ। समान खेल खेलेको एस्टन भिल्ला ६७ अंकसहित चौथो स्थानमा रहेको छ।
यता, पराजित बर्नेली भने ३७ खेलबाट २४ अंक जोड्दै रेलिगेशनमा परेको छ। टोटनह्यामका पेड्रो पोरो र मिकी भ्यान डे भेनले गोल गरेका थिए। बर्नेलीका लागि एक मात्रै गोल ज्याकब ब्रुन लार्सनले गरे।
खेलको २५औँ मिनेटमा लार्सनको गोलमार्फत बर्नेलीले खेलमा शुरूआती अग्रता लिएको थियो। तर, ३२औँ मिनेटमा ब्रेनन जोनसनको पासमा पेड्रोले गोल गर्दै घरेलु टोलीलाई खेलमा फर्काए।
८२औँ मिनेटमा जेम्स मेडिसनको पासमा भेनले गोल गर्दै टोटनह्यामलाई २ अंक दिलाए।
-1732671005.webp)
