काठमाडौं । पहिलो संस्करणको गोकर्णेश्वर मेयर कप सेभेन 'ए' साइट फुटबलमा गोकर्णेश्वर नगरपालिकाका वडा नम्बर ८ 'बी' र ५ ले सेमिफाइनलमा स्थान बनाएका छन् ।
बुधबार भएको क्वाटरफाइनलमा वडा नम्बर ८ 'बी' ले वडा नम्बर ३ 'बी' लाई १४ - ० गोल अन्तरले पराजित गर्यो । खेलमा वडा नम्बर ८ 'बी' का किरण थिङ म्यान अफ दि म्याच चुनिए ।
यस्तै अन्तिम क्वाटरफाइनलमा वडा नम्बर ५ ले वडा १ 'ए' लाई ५ - १ गोल अन्तरले नै हराएर सेमिफाइनल यात्रा तय गरेका छन् । खेलमा वडा १ 'ए' का सागर लुगबा म्यान अफ दि म्याच चुनिए ।
बुधबारको खेलसंगै जोरपाटी फुटबल क्लबको आयोजना जारी प्रतियोगिताको सेमिफाइनल समीकरण पुरा भएको छ । अब सेमिफाइनलमा वडा नम्बर ८ 'बी' ले वडा नम्बर २ संग खेल्नेछ । अर्को सेमिफाइनलमा वडा नम्बर ५ ले वडा नम्बर ४ 'बी' संग खेल्नेछ ।
महिला रेफ्रीहरुले मात्र संचालन गर्ने प्रतियोगिताको विजेताले १ लाख नगद प्राप्त गर्नेछन् । यस्तै दोस्रोले ५० हजार नगद पाउनेछन् ।
तस्विर : सरोज बस्नेत
