काठमाडौं । नेपाली राष्ट्रिय टोलीका लेग स्पिनर सन्दीप लामिछाने रहेको सिलेट सिक्सर्सले बंगलादेश प्रिमियर लिग (बीपीएल) क्रिकेटको दोस्रो खेलमा चितागोङ भीकिङसलाई जितका लागि १६९ रनको लक्ष्य दिएको छ ।
ढाकामा टस जितेर पहिले ब्याटिङ गरेको सिक्सर्सले पुरै २० ओभर खेल्दै ५ विकेट गुमाएर १६८ रन बनायो । सिक्सर्सका लागि कप्तान डेभिड वार्नर र निकोल्स पुरनले अर्धशतकीय इनिङस खेले । वार्नरले ५९ रन जोड्दा पुरनले अविजित ५२ रन जोडे ।
यस्तै अफिफ हुसेनले ४५ रन बनाए । भीकिङसका रोबी फ्राईलिंकले ३ विकेट लिए ।
पहिलो खेलमा पराजित सन्दीपको टिम सिक्सर्स पहिलो जित निकाल्ने लक्ष्यसहित मैदान उत्रिएका छन् । सिक्सर्स पहिलो खेलमा कोमीला भिक्टोरियन्ससंग पराजित भएको थियो । भीकिङस भने लगातार दोस्रो जित निकाल्ने दाउमा हुनेछ ।
-1736646447.jpg)
-1736609631.jpeg)
-1736605265.jpeg)
