काठमाडौं । पहिलो संस्करणको गोकर्णेश्वर मेयर कप सेभेन 'ए' साइट फुटबलमा गोकर्णेश्वर नगरपालिकाका वडा नम्बर २ र ४ 'बी' ले सेमिफाइनलमा स्थान बनाएका छन् ।
मंगलबार भएको पहिलो क्वाटरफाइनलमा वडा नम्बर २ ले वडा नम्बर ४ 'ए' लाई ४ - १ गोल अन्तरले पराजित गर्यो । यस्तै दोस्रो क्वाटरफाइनलमा वडा नम्बर ४ 'बी' ले वडा ९ लाई ४ - १ गोल अन्तरले नै हराएर सेमिफाइनलको यात्रा तय गरेका छन् ।
जोरपाटी फुटबल क्लबको आयोजना जारी प्रतियोगिता अन्तर्गत बुधबार वडा नम्बर ८ 'बी' र ३ 'बी' बीच प्रतिस्पर्धा हुनेछ । यस्तै अन्तिम क्वाटरफाइनलमा वडा नम्बर ५ र १ ए' बीच खेल हुनेछ ।
गोकर्णेश्वर नगरपालिकाको आर्थिक सहयोगमा जारी प्रतियोगिता नेपालय इंग्लिश पब्लिक स्कुलको खेल मैदानमा संचालन भईरहेको छ ।
महिला रेफ्रीहरुले मात्र संचालन गर्ने प्रतियोगिताको विजेताले १ लाख नगद प्राप्त गर्नेछन् । यस्तै दोस्रोले ५० हजार नगद पाउनेछन् ।
