काठमाडौं । राजधानीमा जारी पहिलो संस्करणको गोकर्णेश्वर मेयर कप सेभेन 'ए' साइट फुटबलको क्वाटरफाइनल खेलहरु आजबाट सुरु हुँदैछ ।
जोरपाटी फुटबल क्लबको आयोजना जारी प्रतियोगितामा गोकर्णेश्वर नगरपालिकाका वडा नम्बर २, ९, ५, १ 'ए', ४ 'ए', ४ 'बी', ८ 'बी' र ३ 'बी' ले क्वाटरफाइनलमा स्थान बनाएका छन् ।
क्वाटरफाइनलको पहिलो खेलमा वडा नम्बर ४ 'ए; विरुद्व वडा नम्बर २ बीच खेल हुनेछ । यस्तै अर्को क्वाटरफाइनलमा वडा नम्बर ९ विरुद्व वडा नम्बर ४ 'बी' टिमबीच खेल हुनेछ ।
गोकर्णेश्वर नगरपालिकाको आर्थिक सहयोगमा जारी प्रतियोगिता नेपालय इंग्लिश पब्लिक स्कुलको खेल मैदानमा संचालन भईरहेको छ ।
महिला रेफ्रीहरुले मात्र संचालन गर्ने प्रतियोगिताको विजेताले १ लाख नगद प्राप्त गर्नेछन् । यस्तै दोस्रोले ५० हजार नगद पाउनेछन् ।
कुल २ लाख नगद पुरस्कार राशीको प्रतियोगिताको फाइनल खेल आगामी शनिबार हुने प्रतियोगिता संयोजक कृष्ण प्रसाद नेपालले जानकारी गराए ।
तस्विर : सरोज बस्नेत
