एजेन्सी । इंग्लिश एफए कप फुटबल अन्तर्गत तेस्रो चरणको खेलमा आज (सोमबार) राति लिभरपुलले वुल्भ्सको सामना गर्दैछ ।
वुल्भ्सको घरेलु मैदानमा हुने खेल नेपाली समय अनुसार राति १:३० बजे सुरु हुनेछ । र, प्रतिस्पर्धाका लागि मैदान उत्रदा दुवै टोलीको लक्ष्य चौथो चरणमा पुग्नु हुनेछ ।
प्रिमियर लिग लिडर लिभरपुल अर्को चिरपरिचित प्रतिद्वन्द्वी वुल्भ्सविरुद्ध सहज जितको खोजीमा हुनेछ । तर, लिभरपुललाई सहज जित निकाल्न निकै कठिन हुनेछ ।
यस्तै लिभरपुललाई चौथो चरणमा स्थान बनाउन चुनौती समेत छ । अन्य शीर्ष क्लबहरु म्यानचेस्टर सिटी, आर्सनल, चेल्सी, म्यानचेस्टर युनाइटेड जस्ता टोलीले चौथो चरणमा स्थान बनाईसकेका छन् ।
यस सिजन लिगमा उच्च प्रदर्शन गरिरहेको वुल्भ्स पनि लिभरपुललाई स्तब्ध बनाउने लक्ष्यमा हुनेछ । वुल्भ्सलाई घरेलु समर्थकको साथ समेत रहने छ ।
