एजेन्सी । फ्रेन्च कप फुटबलमा मोनाकोले साँघुरो जित निकालेको छ । शनिबार राति भएको खेलमा मोनाकोले कानेट रोसिलोनलाई १ - ० गोल अन्तरले हराएको हो ।
रोसिलोनको घरेलु मैदानमा भएको खेलमा मोनाकोका लागि मौसा सिला नायक बने । मौसाकै निर्णायक गोलमा मोनाकोले जित निकालेको हो । १० खेलाडीमा सिमित रोसिलोनविरुद्ध मौसाले खेलको दोस्रो मिनेटमा निर्णायक गोल गरेका थिए ।
यस्तै खेलको १८ औं मिनेटमा लोप्पी एमले रातो कार्ड पाएपछि घरेलु टोली १० खेलाडीमा समेटिएको थियो ।
जितसंगै मोनाको फ्रेन्च कपको अन्तिम ३२ मा प्रवेश गरेको छ । यस सिजन लिगमा उत्कृष्ट प्रदर्शन गर्न नसकिरहेको थिएरी हेनरीको मोनाकोले फ्रेन्च कपमा समेत साँघुरो जित निकालेको हो ।
