काठमाडौं । टी ट्वान्टी त्रिकोणात्मक क्रिकेट सिरिज आज मंगलबारबाट सुरु हुदैछ ।
आईसीसी विश्वकप लिग टू खेल्न नेपाल आएको नामिबिया र नेदरल्याण्ड्ससँग नेपालले सिरिजको आयोजना गरेको हो ।
सिरिजको पहिलो खेलमा नेपालले आज नामिबियासँग खेल्दैछ ।
कीर्तिपुर मैदानमा खेल बिहान साढे ११ बजे सुरु हुनेछ ।
सहभागी टिमले एक आपसमा डबल राउण्ड रोबिनका आधारमा प्रतिस्पर्धा गर्नेछन् । लिगको शीर्ष दुईमा रहने टिमले फाइनलमा प्रतिस्पर्धा गर्नेछन् ।
लिग टूको सुभारम्भ नेपालका लागि राम्रो रहेन । सुरुवाती चार मध्य मात्र एक खेलमा नेपालले जित निकाल्न सक्यो ।
यस वर्ष टी ट्वान्टी विश्वकप खेल्न लागेको नेपालले त्यसकै तयारी स्वरुप टी ट्वान्टी सिरिजको आयोजना गरेको हो ।
सिरिज सकिएसँगै नेपालले भारत भ्रमणको तयारीमा लाग्नेछ । भारतमा रणजी ट्रफी खेल्ने टिमसँग नेपालको टी ट्वान्टी सिरिज खेल्ने तय भैसकेको छ ।
