एजेन्सी । इटालियन क्लब युभेन्ट्सका स्टार क्रिस्टियानो रोनाल्डोले 'ग्लोब सकर अवार्ड' अवार्ड जितेका छन् । सन् २०१८ को उत्कृष्ट खेलाडी बन्दै पोर्चुगिज रोनाल्डोले यस अवार्ड हात पारेका हुन् ।
ग्लोब सकर आयोजकले बिहिबार राति दुबईमा रोनाल्डोलाई अवार्ड प्रदान गरेको थियो । यस्तै रोनाल्डोले सन् २०१८ को उत्कृष्ट गोलकर्ताको अवार्ड पनि जितेका छन् । रियल मड्रिडमा हुँदा च्याम्पियन्स लिगमा युभेन्टसविरुद्ध रोनाल्डोले गरेको ओभर हेड गोल उत्कृष्ट ठहरिएको थियो ।
यस्तै उत्कृष्ट प्रशिक्षकको अवार्ड फ्रान्सका डिडीयर डेस्च्याम्पले जिते । डेस्च्याम्पले फ्रान्सलाई रुस विश्वकपको उपाधि दिलाएका थिए ।
युभेन्ट्सका मिडफिल्डर ब्लेस माटुईडीले प्लेयर क्यारियर अवार्ड जिते । त्यस्तै उत्कृष्ट क्लबको अवार्ड स्पेनिस क्लब एट्लेटिको मड्रिडले पाएको छ ।
ब्राजिलियन पुर्व फरवार्ड रोनाल्डोलाई पनि प्लेयर क्यारियर अवार्ड प्रदान गरिएको थियो ।
-1735138694.jpeg)
-1735136879.JPG)
