एजेन्सी । इंग्लिश क्लब चेल्सीले जर्मन क्लब बोरुसिया डर्टमण्डका फरवार्ड क्रिस्टियन पुलिसिकलाई अनुबन्ध गरेको छ ।
चेल्सीले अमेरिकन फरवार्ड पुलिसिकलाई ५८ मिलियन पाउण्डमा क्लबमा भित्र्याएको हो । तर, चेल्सीले यस सिजनको अन्तिमसम्म पुलिसिकलाई डर्टमण्डलाई लोनमा दिनेछन् । पुलिसिक आगामी सिजनबाट चेल्सीमा रहनेछन् ।
२० बर्षीय पुलिसिकले डर्टमण्डसंग सन् २०२० सम्म सम्झौता गरेका थिए । तर, पुलिसिक सम्झौता नसकिदै चेल्सी जाने भएका छन् ।
सन् २०१५ मा क्लब आएका पुलिसिकले डर्टमण्डबाट ११५ खेल खेल्दै १५ गोल गरिसकेका छन् । यस सिजन उनले १८ खेलमा ३ गोल गरिसकेका छन् ।
पुलिसिकले अमेरिकाबाट २३ खेल खेल्दै ९ गोल गरिसकेका छन् ।
-1735138694.jpeg)
-1735136879.JPG)
