एजेन्सी । ईङ्लिस प्रिमियर लिग फुटबल अन्तर्गत आज राति ६ खेल हुदैछन् । मुख्य खेलमा लण्डन क्लब चेल्सीले घरेलु मैदान स्टामफोर्ड ब्रिजमा साउथह्याम्टनलाई आमन्त्रण गर्दा म्यान्चेष्टर युनाईटेड भने न्युक्यासलको भ्रमणमा निस्कनेछ ।
केयर टेकर प्रशिक्षकको नेतृत्वमा उत्कृष्ट प्रर्दशन गरिरहेको म्यान्चेष्टर युनाईटेडले लगातार तीन खेलमा जित निकालेको छ ।
म्यान युनाईटेडका लागि खुसीको कुरा भनेको फरवार्ड एलेक्सिस सान्चेज मैदान फर्कदैछन् । लामो समय चोटका कारण मैदान बाहिर रहेको सान्चेज नोभेम्बरपछि मैदान देखिन लागेका हुन् ।
केयर टेकर प्रशिक्षक ओले गुनर सोल्सायरले भने, ‘उनी टिममा रहनेछन् । उनी सबै समय खेल्न चाहन्छन् । उनीमा त्यो चरित्र छ । उनी पुरा फिट छैनन् तर चम्किरहेका छन् ।’
ईरिक बेली निलम्बनमा छन् । क्रिस स्मलिङ र मार्कोस रोजा समेत मैदान उत्रन पाउने छैनन् ।
अर्को कुरा, मार्कोस रासफोर्ड समेत न्युक्यासल भ्रमणका लागि फिट देखिएका छन् । वर्नेमाउथविरुद्वको अघिल्लो खेलमा उनले सामान्य चोट बोकेका थिए ।
अर्को खेलमा लण्डन क्लब चेल्सीलाई तेस्रो स्थानको म्यान्चेष्टर सिटीसंग अंक दुरी घटाउने अवसर प्राप्त छ । चेल्सी ४३ अंक सहित तालिकाको चौथो स्थानमा छ ।
तेस्रो स्थानको सिटीको लण्डन क्लब भन्दा चार अंक अगाडी छ । चेल्सीका फरवार्ड ओलिभर जिराउडले चोटका कारण साउथह्याम्टन भ्रमण गुमाउनेछन् ।
आजै राति हुने अन्य खेलमा वर्नेमाउथले वाटफोर्डसंग, हुडर्सफिल्डले वर्नलीसंग, वेस्ट ह्यामले ब्रिङटोन तथा वल्भ्सले क्रिस्टल प्यालेससंग प्रतिस्पर्धा गर्नेछ ।
-1735138694.jpeg)
-1735136879.JPG)
