काठमाडौं । नेपाली राष्ट्रिय टोलीका लेग स्पिनर सन्दीप लामिछाने बंगलादेश प्रिमियर लिग (बिपिएल) क्रिकेट खेल्न बंगलादेश प्रस्थान गरेका छन् ।
अष्ट्रेलियामा जारी बिग बास लिग खेलेर सन्दीप बुधबार अष्ट्रेलियाबाटै बंगलादेश प्रस्थान गरेका हुन् । सन्दीपले सामाजिक संजाल ट्वीटरमा ट्वीट गर्दै बंगलादेश प्रस्थान गरेको बताएका छन् ।
सन्दीपले स्यलहेट सिक्सर्सबाट बंगलादेश प्रिमियर लिग खेल्ने छन् । बिपिएल क्रिकेट शनिबार बाट सुरु हुनेछ । सन्दीपको टिमले आइतबार पहिलो खेल खेल्नेछ ।
बंगलादेश प्रिमियर लिगपछि सन्दीप नेपाली टोलीमा सामेल हुनेछन् । नेपालले माघको दोस्रो साताबाट युएईसंग उसैको मैदानमा एकदिवसीय र टी-ट्वान्टी सिरिज खेल्नेछ ।
बिग बास लिगमा मेलबर्न स्टार्सबाट खेलेका सन्दीपले खेलेका ४ खेलमा उत्कृष्ट प्रदर्शन गरेका थिए । सन्दीपले बिग बासको ४ खेलमा ८ विकेट लिन सफल भएका थिए ।
सन्दीपले डेब्यु खेलमा २ विकेट लिएका थिए । यस्तै दोस्रो खेलमा सन्दीपले ३ विकेट लिएका थिए । तेस्रो खेलमा २ विकेट लिन सफल सन्दीपले चौथो खेलमा १ विकेट लिएका थिए । सन्दीपले आफ्नो चारै खेलमा बिपक्षि टिमका कप्तानलाई आउट गरेका थिए ।
-1736646447.jpg)
-1736609631.jpeg)
