एजेन्सी । ईङ्लिस प्रिमियर लिग फुटबलमा टोटेनहम हट्सपरले कार्डिफ सिटीलाई पराजित गरेको छ । मंगलबार राति भएको खेलमा टोटेनहमले कार्डिफलाई ३–० गोल अन्तरले हराएको हो ।
जितसंगै टोटेनहम तालिकाको दोस्रो स्थानमा उक्लिएको छ । उसले २१ खेलबाट ४८ अंक जोडेको छ । शीर्ष स्थानको लिभरपुलको ५४ अंक छ । कार्डिफ १८ अंक जोड्दै रेलिगेशन जोन भन्दा दुई स्थान माथि छ ।
टोटेनहमको जितमा ह्यारी केन, ईरिक्सन र सन ह्युङ मिनले गोल गरेका थिए । तीनै गोल पहिलो हाफमा सम्भव भएको थियो ।
घरेलु मैदानमा उल्भ्ससंग अप्रत्यासित पराजय ब्यहोरेको टोटेनहमले लगत्तै अवे खेलमा सहज जित निकालेको हो ।
खेलको तेस्रो मिनेटमा केनले गोल गर्दै टोटनहमलाई अग्रता दिलाए । ईरिक्सनले १२ औ मिनेटमा टोलीको अग्रता दोब्बर पारे । मिनले २६ औ मिनेटमा गोल गर्दै टोलीको जित सुनिश्चित गरे ।
जितसंगै टोटेनहमले शीर्ष स्थानको लिभरपुलमाथि दबाब बढाएको छ । म्यान्चेष्टर सिटीलाई तालिकाको तेस्रो स्थानमा झारिदिएको छ ।
-1735138694.jpeg)
-1735136879.JPG)
