एजेन्सी । इंग्लिश प्रिमियर लिग फुटबलमा आज (मंगलबार) विभिन्न ३ खेलहरु संचालन हुँदैछ । नयाँ बर्षको पहिलो दिन मंगलबार टोटेनहम, आर्सनल, लेष्टर सिटी लगायतका टोलीले प्रतिस्पर्धा गर्नेछन् ।
प्रिमियर लिग अन्तर्गत मंगलबार हुने पहिलो खेलमा एभर्टन र लेष्टर सिटीबीच प्रतिस्पर्धा हुनेछ । एभर्टनको मैदानमा हुने खेल बेलुका ६: १५ मा सुरु हुनेछ ।
प्रतिस्पर्धाका लागि मैदान उत्रदा दुवै टोली जित निकाल्दै अंक तालिका सुधार गर्ने लक्ष्यमा हुनेछन् । एभर्टन २७ अंक जोडेर लिगको १० औं स्थानमा छन् । २८ अंक जोडेको लेष्टर आठौं स्थानमा छन् ।
यस्तै आर्सनलले फुलहमको सामना गर्नेछ । आर्सनलको मैदान हुने खेल नेपाली समय अनुसार बेलुका ८:४५ मा सुरु हुनेछ ।
पछिल्ला खेलमा उच्च प्रदर्शन गर्न नसकिरहेको आर्सनल फुलहमलाई हराएर शीर्ष चार टोलीविरुद्ध अंक दुरी घटाउने योजनामा हुनेछन् । ३८ अंक जोडेको लिगको पाँचौ स्थानमा छन् । फुलहम १४ अंक जोडेर रेलिगेसन जोनमा रहेको छ ।
नयाँ बर्षको पहिलो दिनको अन्तिम खेलमा टोटेनहम र कार्डिफ सिटीले प्रतिस्पर्धा गर्नेछन् । कार्डिफको मैदानमा हुने खेल राति ११:१५ मा सुरु हुनेछ ।
कार्डिफविरुद्ध मैदान उत्रदा टोटेनहम जित निकाल्दै लिगको दोस्रो स्थानमा उक्लने दाउमा हुनेछ । तेस्रो स्थानको टोटेनहमले २० खेलबाट ४५ अंक जोडेको छ । कार्डिफलाई हराए टोटेनहमले म्यानचेस्टर सिटीलाई १ अंकले पछि बनाएर दोस्रो स्थान हासिल गर्नेछ । सिटीको ४७ अंक छ ।
यस्तै टोटेनहम शीर्ष स्थानको लिभरपुलसंगको अंक दुरी समेत कम गर्न चाहन्छ । लिभरपुलको ५४ अंक छ । कार्डिफ १८ अंक जोडेर १६ औं स्थानमा छ ।
