काठमाडौं । पल्सर सहिद स्मारक 'ए' लिग अन्तर्गत अहिले जावलाखेल युथ क्लब र त्रिभुवन आर्मी क्लबबीच प्रतिस्पर्धा भईरहेको छ ।
हल्चोकस्थित एपीएफ मैदानमा पहिलो हाफको खेल सकिदा जावलाखेल र आर्मीले गोलरहित बराबरी खेलेका छन् । जावलाखेलविरुद्ध बल पोजिसनमा पकड जमाएपनि आर्मीले गोल गर्न सकेनन् ।
आज जावलाखेल र आर्मी जित निकाल्ने लक्ष्यसहित मैदान उत्रिएका छन् ।
विभागीय टिम आर्मीलाई लिगको शीर्ष तीन भित्र उक्लिने अवसर प्राप्त छ । आर्मी २१ अंक सहित तालिकाको चौथो स्थानमा छ ।
जावलाखेल ११ अंक सहित तालिकाको नवौ स्थानमा छ ।
