एजेन्सी । बार्सिलोनाका कप्तान लियोनल मेस्सीले प्रशिक्षण एर्नेष्टो भाल्भर्डे थप केहि बर्ष क्लबमै बसेको हेर्ने चाहना रहेको बताएका छन् ।
स्पेनिस एक पत्रिकासंग कुरा गर्दै कप्तान मेस्सीले प्रशिक्षक भाल्भर्डे बार्सिलोनामै रहेको हेर्ने चाहना रहेको बताएका हुन् ।
लुइस इनरिकेले प्रशिक्षक पद छाडेपछि बार्सिलोनाले भाल्भर्डेलाई गत सिजन प्रशिक्षण नियुक्त गरेको थियो ।
भाल्भर्डेले बार्सिलोनासँग दुई बर्षको सम्झौता गरेका थिए । उनको यसै सिजनको अन्त्यसंगै सम्झौता सकिदैछ । तर, कप्तान मेस्सीले भाल्भर्डेले क्लबसंग नयाँ सम्झौता गर्ने विश्वास लिएको पत्रिकाले दाबी गरेको छ ।
यस्तै मेस्सी प्रशिक्षक भाल्भर्डेको प्रशिक्षणबाट प्रभावित भएको बताईएको छ ।
गत सिजन बार्सिलोना स्पेनिस ला लिगाको शीर्ष स्थानमा छ । बार्सिलोनालाई यस सिजन प्रमुख उपाधि दाबेदार मानिएको छ ।
-1735220291.jpg)
