काठमाडौं । राष्ट्रिय फुटबल टिमका गोलकिपर किरण चेम्जोङले माल्दिभ्समा उत्कृष्ट गोलकिपरको अवार्ड हात पारेका छन् । टिसी स्पोटर्सलाई माल्दिभ्सको लिग जिताएका किरणले अवार्ड हात पारेका हुन् ।
माल्दिभ्स फुटबल डट कम र फुटबल एसोसियसन अफ माल्दिभ्सले संयुक्त रुपमा किरणलाई उत्कृष्ट गोलकिपरको मनोनयन समावेश गरेको थियो ।
क्लबलाई लिग जिताउन महत्वपुर्ण भुमिका खेलेका कारण उनलाई मनोनयनमा राखिएको आयोजकले जनाएको थियो । किरणले गत सिजन माल्दिभ्सको टिसी स्पोर्टसबाट धिवेही प्रिमियर लिग खेलेका थिए ।
गत महिनामात्र नेपाली राष्ट्रिय टिमका खेलाडी रोहित चन्दले इन्डोनेसियामा बर्षको उत्कृष्ट खेलाडीको अवार्ड हात पारेका थिए ।
-1735220291.jpg)
