काठमाडौं । तेस्रो संस्करणको अन्तराष्ट्रिय आमन्त्रण सुदुरपश्चिम खप्तड गोल्डकप फुटबल प्रतियोगिता पुसको अन्तिम साता हुने भएको छ ।
सुदुरपश्चिम ११ स्पोर्टस क्लब धनगढीको आयोजनामा सञ्चालन हुने प्रतियोगिता पुस २४ गतेबाट माघ ५ गतेसम्म चल्नेछ ।
प्रतियोगिताका सबै खेल धनगढी रंगशालामा हुनेछ । प्रतियोगितामा नेपालको ए डिभिजन क्लब, बिदेशी टिम तथा मोफसलका चर्चित क्लबले सहभागिता जनाउनेछन् ।
प्रतियोगिताको विजेताले २१ लाख र उपविजेताले १० लाख रुपैयाँ प्राप्त गर्नेछन् । प्रतियोगिताको उत्कृष्ट खेलाडीलाई मोटरसाइकल पुरस्कार दिईने आयोजकले जनाएको छ ।
नकआउट चरणमा सञ्चालन गरिने प्रतियोगितामा झण्डै एक करोड ४० लाख खर्च हुने अनुमान गरिएको छ ।
